香港螃蟹

香港位于亚热带范围，海岸线又长，所以有好多唔同品种嘅热带同温带嘅水生动物栖息。淨系蟹类就已经好多元化，现时粗略估计大约有 300 个品种（Lee & Leung，1999年）。根据Dai & Yang（1991年）响中国海洋作详细嘅记录，中国海洋蟹类有成 800 种咁多，而香港嘅蟹种大约佔左中国嘅三成，其中最重要嘅系梭子蟹科、方蟹科同沙蟹科，淨系每一科都超过 20 种。

蟹同虾、龙虾一样，都系属于甲壳纲、十足目嘅动物（即系「10隻脚」，意思系有1对螯同4对步行足咁解）。蟹身被头，胸，甲覆盖，唔同品种有唔同嘅形状。腹部同口器就收喺头胸甲之下。部分只系潮下带生活嘅品种，最后一对系足（第四对步行足）结构就好似桨叶咁，系用嚟帮助游水。

蟹嘅甲壳阔度因品种而不同，由几毫米（角眼切腹蟹，Tmethypoecoelis ceratophora）到 25 厘米（巨大拟滨蟹，Pseudocarcinus gigas）都有。蟹类嘅生境好多元化，广泛分布喺唔同嘅水陆环境，包括淡水、咸淡水、海洋生境。现时香港嘅蟹类资料重未齐全（尤其系海洋蟹类），所以日后可能重会有新品种出现。

主要品种有束腹蟹科Crypotopotamon anacoluthon　(香港特有种），香港南海溪蟹　Nanhaipotamon hongkongense　(香港特有种）玉蟹科的果坚壳蟹，隆线拳蟹，梭子蟹科的锯缘青蟳，远海梭子蟹，三疣梭子蟹等等。